Kroati Luka Modriç, spanjolli Sergio Ramos dhe italiani Gianluigi Buffon janë zgjedhur si lojtarët më të mirë të Ligës së Kampioneve për sezonin 2016/2017, në pozicionet ku ata luajnë.
Kroati është zgjedhur si mesfushori më i mirë i kompeticionit më të rëndësishëm europian për klube. Ai ka fituar 5 herë titullin lojrati i vitit në Kroaci dhe është fitues i Ligës së kampioneve me Real Madrid.
Sergio Ramos ka fituar çmimin si mbrojtësi më i mirë i Ligës së Kampionëve. Ai fitoi për herë të tretë titullin me Real Madridin, duke qenë një nga lojtarët kryesorë të skuadrës.
Gianluigi Buffon është zgjedhur portieri më i mirë për këtë sezon pasi e ndihmoi Juventusin të arrijë në finalen e Ligës së Kampionëve, duke mbajtur tetë herë portën e paprekur. 39-vjeçari është shprehur i lumtur që ka arritur të fitojë këtë çmim në këtë moshë, duke thënë se nuk e ka ndërmend të ndalet. /tesheshi.com/
