Janë mbyllur grupet edhe në Ligën e Europës, ku 32 skuadra do vijojnë dhe më tej pjesë e këtij kompeticioni. Në javën e fundit të grupit, janë përcaktuar 32 sosh, ku bie në sy fakt që mes tyre nuk ndodhen Ajax apo Monaco
Futbollistët e Ajax-it, nuk arritën të merrnin më shumë se një barazim përballë skuadrës modeste Molde (1-1), duke përfunduar kështu në vendin e tretë.
Edhe Monaco, si një ish-favorit i garave prestigjioze europiane mbetet jashtë zonës së skuadrave të kualifikuara. Disfata në udhëtim ndaj Tottenham Hotspur ishte shumë i hidhur, pa marrë parasysh edhe rezultatin e lartë të pësuar, (4-1). Këtë lëshim, më së miri e shfrytëzoi skuadra e drejtuar nga Besnik Hasi, Anderlecht që në shtëpi triumfoi ndaj Qarabag (2-1), për të ecur tutje.
Fiorentina arriti kualifikimin pas një fitore të lehtë ndaj Belenenses në shtëpi, (1-0).
Nga ana tjetër, Sporting bëri mrekullinë që u kthye nga disavantazhi dhe e mposhti Besiktasin për t’u kualifikuar tutje, (3-1).
Skuadrat e kualifikuara nga vendi i parë:
Molde, Liverpool, Krasnodar, Napoli, Rapid Vienna, Braga, Lazio, Lokomotiv Moska, Basel, Tottenham, Schalke, Athletic Bilbao.
Skuadrat e kualifikuara nga vendi i dytë:
Augsburg, Sparta Praga, Anderlecht, Fiorentina, Sporting Lisbona, St.Etienne, Marseille, Midtjylland, Dortmund, Sion, Fenerbahce.
/tesheshi.com/
