Liga Arabe ka qenë e drejtpërdrejtë në kundërshtimin e thirrjeve dhe deklarimeve secesioniste në Siri, siç qe deklarata e krijimit të një sistemi federal në veri të Sirisë nga PYD-ja kurde.
“Liga Arabe i hedh poshtë thirrje të tilla secesioniste, të cilat dëmtojnë unitetin e Sirisë. Integriteti territorial dhe uniteti i Sirisë janë një parim kryesor i Ligës Arabe. Çdo thirrje nga sirianët apo nga josirianët në lidhje me unitetin dhe integritetin territorial të vendit hidhet poshtë,” ka deklaruar zëvendëssekretari i përgjithshëm i Ligës Arabe, Ahmed bin Helli.
Tre rajone autonome në veri të Sirisë, të kontrolluara nga grupet e armatosura kurde, votuan të enjten e shkuar për krijimin e një federate kurde.
Qeveria siriane do të deklaronte menjëherë se votimi nuk kishte ndikim legal apo politik.
Mosaprovim ka shprehur dhe Turqia, e cila është kundër hapave të njëanshme për ndarjen e Sirisë, ndërsa e quan PYD-në një organizatë terroriste, një degë të PKK-së. PYD-ja kontrollon 10 për qind të territorit sirian, por nuk është thirrur në bisedimet e paqes në Gjenevë. /tesheshi.com/
