Është periudhë përgatitore për lojtarët e Kombëtares dhe shumë prej tyre janë aktualisht në aksion. Tradita e golit është një gjueti që nuk u mungon në asnjë ndeshje sulmuesve kuqezi.
Balaj – Ditën e djeshme, shkodrani ka shënuar dopietë në miqësoren e Rijekës ndaj Rudar Velenjes. Sulmuesi është duke ruajtur formë të mirë me ekipin kroat, gjatë përgatitjeve që po zhvillojnë në prag të ndeshjeve eliminatore për “Europa Ligë”. Balaj ka shënuar edhe në ndeshjen e parë miqësore të ekipit kroat, duke konfirmuar aftësinë dhe “nuhatjen” e tij për golin.
Sadiku – Armando Sadiku ka shënuar golin e barazimit për Zyrihun në ndeshjen testuese kundër Uinterthurit.
Avdijaj – Ai që është një nga emrat që pritet të zgjedhë Shqipërinë, ka shënuar një gol të mrekullueshëm dje. Në fitoren e Sturmit 5-2 ndaj Mariborit, Avdijaj golin e tretë në minutën e 52-të. Pas një galopimi në hyrje të zonës, mesfushori ka shmangur tre lojtarë kundërshtarë dhe, më pas, edhe portierin, për ta çuar topin drejt rrjetës. /tesheshi.com/
