Piloti legjendar i “Formula 1” dhe kampioni i trefishtë botëror, Niki Lauda u detyrua t’i nënshtrohej një transplanti mushkërisht pas një sëmundjeje të rëndë, në një prej spitaleve të Vjenës. Edhe pse mjekët thanë se operacioni kishte sukses, jeta e tij është në rrezik dhe nuk dihet nëse do mund të vijojë të jetojë në ditët e ardhshme.
Në një njoftim për shtyp, drejtoria e spitalit raportoi se operacioni ishte i suksesshëm dhe se familja kërkonte espekt për jetën private.
Mediat gjermane dhe austriake shtojnë se gjendja e 69-vjeçarit Lauda është kritike, sepse nuk dihet se si trupi do t’i përgjigjet ndërhyrjes.
Lauda u plagos rëndë në një garë në Nuremberg në vitin 1976, kur Ferrari i tij u përfshi nga flakët dhe ai pësoi djegie të rënda. Ish-legjenda austriake po përballet me probleme shëndetësore për një kohë të gjatë, ku i është nënshtruar vite më parë dhe një transplanti veshkash. /tesheshi.com/
