Kadastra ka kallëzuar penalisht në SPAK drejtorin e këtij institucioni për Vlorën, ish-drejtorin dhe gjashtë zyrtarë të tjerë, me akuzën se kanë legalizuar një objekt në kundërshtim me ligjin.
Pas verifikimeve të kryera, janë evidentuar shkelje të rënda në dhënien e lejes së legalizimit dhe titullit të pronësisë në cënim të truallit të Komunitetit Mysliman, nga drejtuesit dhe zyrtarët e lartë të Drejtorisë Vendore të ASHK Vlorë.
“Pas gjetjes së shkeljeve të rënda, kam firmosur kallëzimin në SPAK me akuzën ‘Shpërdorim detyre’ për tetë zyrtarë dhe ish-zyrtarë të lartë të ASHK Vlorë.
Kemi filluar dhe do të bëjmë verifikime të hollësishme në të gjitha drejtoritë vendore, nisur nga indicie të qytetarëve, apo raporte zyrtare.
Ne jemi në shërbim të ligjit dhe qytetarëve. Kush nga punonjësit e ASHK i ka kuptuar ndryshe politikat e qeverisjes sonë, do të përballet me ligjin dhe drejtësinë”, është shprehur Dallëndyshe Bici, drejtore e Përgjithshme e Kadastrës.
Të kallëzuarit janë:
– Erdet Mandi, aktualisht Drejtor i ASHK-Vlorë
– Bilbil Aliaj, ish- Drejtor i ASHK Vlorë
– Renato Beshaj, ish-përgjegjës i sektorit të legalizimeve ASHK Vlorë
– Denis Metaj, ish- përgjegjës i sektorit hartografisë
– Dorjana Ferati, ish-përgjegjës i sektorit të çështjeve të pronësisë, aktualisht përgjegjëse e arshivë- protokollit ASHK Vlorë
– Anisa Golemi, specialiste ASHK Vlorë
– Bojkena Bani, ish-specialiste ASHK Vlorë
– Teuta Meço, specialiste ASHK Vlorë
