E kishin kursyer njëri-tjetrin deri dje, por sot kanë zhveshur gjuhën.
Ilir Meta sulmoi ashpër Lefter Kokën, ish-njeriun e tij bazë në Durrës, i cili kaloi me PS-si, duke qenë njëherësh një ish-ministër i Rama 1, ndonesë nga LSI, e ish-kryebashkiak i Durrësit në kohën e Nanos.
Sipas Metës, Lefter Koka po blen votat e LSI-së në emër të Ramës.
Ka reaguar Koka, ku ndër të tjera shkruan:
“Ti je një i marrë fund, që Zoti ta ka marrë mendjen për të të zhveshur lakuriq përpara popullit, prandaj prite me qetësi dhe dashuri verdiktin e tmerrshëm që të pret në 25 prill!
Ti do të mbetesh gjatë në kujtesën e këtij populli, si një palaço që të vret natën dhe të qan ditën.
Kur flet ti për blerje votash dhe për Kushtetutë, është njësoj si të dëgjosh një baxhellë të flasë për virgjëri dhe një kriminel të flasë për ligjin!
Ti je një arsye e madhe për të besuar që ka Zot, se vetëm Zoti mund të të hiqte ty nga qafa e shqiptarëve kështu siç e meriton!
I shpërfytyruar, i degjeneruar, i mbaruar që të ra dhe cipa e fundit. Ik tani dhe mbyllu në kafazin tënd në Lalëz dhe mos fli natën, që të ruash arkat që ke fshehur në baçe! Pis burrë”. /tesheshi.com/
