Lidhja Demokratike e Kosovës ka zgjedhur kryesinë e re, e cila përbëhet nga Agim Veliu, Haki Rugova dhe Lutfi Haziri, të cilët janë zgjedhur nënkryetar të partisë.
Ndërsa, sekretar është zgjedhur Ismet Beqiri.
Të gjithë anëtarët e Këshillit të Përgjithshëm të LDK-së kanë votuar pro zgjedhjes së nënkryetarëve dhe sekretarit. Ndërkohë, sipas kryetarit të LDK-së, Isa Mustafa, pritet që edhe dy nënkryetar të zgjedhën në shtator. Votimi është bërë i hapur me ngritje dore.
Në mbledhje të këshillit nuk kanë marrë pjesë Vjosa Osmani dhe Arben Gashi.
Njëri prej themeluesve të LDK-së, Sabri Hamiti, njëri prej figurave më të shquara të kësaj partie dhe më me ndikim në këtë parti, i cili po ashtu ka qenë një prej personave që ka qëndruar afër
Në zgjedhjen e kryesisë, nënkryetarëve dhe sekretarit të partisë, Sabri Hamiti mbeti jashtë të gjitha opsioneve për t`u zgjedhur në njërën prej tyre.
Edhe pse mbeti jashtë strukturave udhëheqëse, si duket miqësinë me Isa Mustafën nuk kanë humbur sepse ata të dy u panë duke pirë kafe pas kësaj mbledhjeje.
Ndërsa deputetja e ‘rebeluar’ e LDK-së, Vjosa Osmani ka reaguar pas mbledhjes së Këshillit të Përgjithshëm të LDK-së ku u votua kryesia e re e kësaj partie.
Ajo është thirrur në statusin e partisë ku deputetët duhet të marrin pjesë në mbledhjen e Këshillit të Përgjithshëm me të drejtë diskutimi, por pa të drejtë vote.
Sipas znj. Osmani statuti i LDK-së (Neni 23.7) kërkon që deputetet që s’janë anëtarë të Këshillit të Përgjithshëm të ftohen në mbledhjet e Këshillit dhe të marrin pjesë pa të drejtë vote, por me të drejtë diskutimi.
“Në kundërshtim me këtë normë statutore dhe të gjitha praktikat e mëhershme, sot, deputetet që nuk janë anëtarë të KP, nuk u ftuan e as njoftuan për mbledhjen e këtij Këshilli. Edhe sot vazhdoi ‘demokracia’ e aklamacionit, metodë kjo e eliminuar nga praktikat e vendeve demokratike para shume dekadash”, thekson znj. Osmani.
Ja teksti i plote i nenit 23.7 te Statutit:
Në punën e Këshillit të përgjithshëm marrin pjesë, pa të drejtë vote, deputetët, ministrat, kryetarët e komunave nga radhët e LDK-së, kryetarët e degëve të LDK-së, kryetarët e forumeve të LDK-së dhe të Këshillit të Ekspertëve të LDK-së, të cilët nuk janë anëtarë të Këshillit të Përgjithshëm.
Kjo është lista e kryesisë së re të LDK-së:
Agim Veliu
Haki Rugova
Lutfi Haziri
Ismet Beqiri
Sabri Hamiti
Muharrem Svarça
Gazmend Muhaxheri
Vlora Dumoshi
Skënder Hyseni
Sokol Haliti
Arban Abrashi
Kujtim Shala
Imri Ahmeti
Avdulla Hoti
Naser Osmani
Lutfi Zharku
Rita Hajzeri
Besa Gashi
Anton Quni
Ndërsa në kryesinë e kaluar të LDK-së ishin: Isa Mustafa, Sabri Hamiti, Teuta Sahatçiu, Haki Rugova, Ismet Beqiri, Hanefi Muharremi, Agim Veliu, Vjosa Osmani, Skender Hyseni, Lutfi Haziri, Sanije Aliu, Gazmend Muhaxheri, Naser Osmani, Ramë Manaj, Abdullah Hoti, Lirie Kajtazi, Xhafer Tahiri, Kujtim Shala, Arsim Janova, Sali Morina, Fevzi Berisha e Anton Quni. /tesheshi.com/
