LDK-ja e Isa Mustafës vazhdon të insistojë se vendi duhet të shkojë në zgjedhje të reja dhe më pas të vazhdohet dialogu me Serbinë.
Shefi i grupit parlamentar të kësaj partie, Avdullah Hoti thotë se mosmarrëveshjet në spektrin politik janë thelluar kohëve të fundit, sidomos nga propozimet kontraverse dhe çorientuese të presidentit Thaçi.
“Para se t’i normalizojmë raportet me Serbinë, gjë që është synim dhe përcaktim yni i koordinuar edhe me bashkësinë ndërkombëtare, së pari duhet të kemi institucione normale demokratike të një shumice solide dhe funksionale në Kuvend. Pa e tejkaluar këtë mangësi, që po prodhon defekte në politikbërje, ne vetëm do të zhytemi edhe më shumë në gjendje jo normale juridike dhe politike. Marrëveshjen politike duhet ta arrijmë gjithsesi përbrenda institucioneve, por vetëm kur ato vishen me legjitimitet demokratik dhe ta kenë mbështetjen e qytetarëve të Kosovës të shprehur me votën e lirë”, shkruan Hoti në Facebook.
Kujtojmë se LDK ka kohë që kërkon zgjedhje të jashtëzakonshme. për çka ka kërcënuar me mocion mosbesimi qeverinë, por deri më tani çdo gjë ka mbetur veç në kuadrin e fjalëve. /tesheshi.com/
