Ministri i Jashtëm Rus, Sergei Lavrov i ka kërkuar partnerëve perëndimorë t’i kushtojnë një rëndësi të veçantë edhe problemeve ndërkombëtare në Kosovë e Libi dhe të mos merren vetëm me çështjen e Krimesë.
“Ka probleme me njohjen e Kosovës si shteti i pavarur dhe shpalljen unilaterale të pavarësisë së saj, pa asnjë referendum”,- ka thënë Lavror për agjencinë e lajmeve Itar-Tass.
Ai ka shtuar se sulmi kundër Irakut është anashkaluar nëpërmjet disa deklaratave në media dhe se ka pasur abuzime të tepërta nga Këshilli i Sigurimit të Kombeve të Bashkuara në Libi.
Liderët nacionalistë në Ukrainë kanë bërë thirrje të hapur për bllokim ose shkatërrim të rusëve në Krime rreth një vit më parë, por askush nga partnerët tanë perëndimore nuk ka reaguar në lidhje me këto deklarata./tesheshi.com/
