Shumë shpejt mijëra vende pune do të mbyllen në Shqipëri, për shkak se Italia ka vendosur të zhvendosë drejt saj kompanitë e Call Center që operojnë prej vitesh.
Senati Italian votoi sot ndryshimet në ligjin për Buxhetin 2017, pjesë e të cilit është edhe ai për ndryshimet në shërbimet call center.
Miratimi i këtij ligji pritet të vërë në vështirësi të mëdha shumë të rinjë e të reja, kryesisht studentët, të cilët arrinin të nxirrnin shpenzimet e tyre, duke punuar 4-6 orë në ditë në këto kompani private.
Në të parashikohen sanksione të forta, por edhe heqje e avantazheve fiskale për ato kompani që nuk do të deklarojnë vendin e thirrjes, si dhe nuk do të mbrojnë të dhënat personale.
Në datë 2 dhjetor ministri i Jashtëm i Shqipërisë Ditmir Bushati pati një takim me homologun e tij italian Paolo Gentiloni, por nuk janë dhënë detaje nëse është diskutuar edhe për këtë çështje.
Në Shqipëri numërohen mbi 800 kompani call center me mbi 25 mijë të punësuar. Call Center është sektori i katërt më i madh në vend, përsa i përket numrit të të punësuarve./tesheshi.com/
