Mbërriti në atdhe gjatë pasddites At Ernst Trashani, tashmë kardinal, i shpallur i tillë nga Papa Françesku pak ditë më parë në Vatikan, duke u bërë kështu i dyti kardinali shqiptar në historinë e katolicizmit pas Mikel Koliqit.
Për ta pritur atë në Rinas ishte vetë kryeministri Rama, që edhe pse gjysëm ortodoks e gjysëm katolik, ka zgjedhur të jetë në këtë të dytin si besim, kjo dhe për shkak të gjyshes nga i ati, një katolike e devotshme, më të cilën ka jetuar fëmijërinë dhe rininë.
Por ajo që bën përshtypje në ceremoninë e pritjes, është të paturit në krah të Tom Doshit, vërtet një katolik nga Shkodra, por që nuk përshkruhet nga ndonjë fill fetar në gjithë profilin e tij publik prej politikani. Madje Doshi renditet tek kategoria e “të fortëve” në politikë, “lëndë e parë” për funksionimin e procesit të dekriminalizimit.
Dhe nuk dihet se e kujt ka qenë zgjedhja që pikërisht një figurë si Tom Doshi të ishte krahas dhe dy klerikëve të tjerë katolikë në çastin e zbritjes nga avioni të kardinalit Trashani.
Janë dy botë aq të largëta, sa vetëm paradoksi i jetës shqiptare mund të vendos aq pranë. Dhe më shumë se mbërritja e Trashanit në atdhe me titullin kardinal, lajm më i rëndësishëm ka qenë pritja që i është bërë nga Tom Doshi. /tesheshi.com/
