Deputetët e Kuvendit të Kosovës nuk e miratuan kërkesën e opozitës që të futet si pikë e parë e rendit të ditës mocioni për krimet e Serbisë në Kosovë.
Me 55 vota kundër, 42 pro, 5 abstenime, Kuvendi ka votuar kundër që mocioni i opozitës të futet si pikë e parë e rendit të ditës.
Me këtë Rezolutë, të parashtruar nga opozita, kërkohej nga Qeveria e Kosovës që të ndërmarrë të gjitha veprimet e nevojshme për trajtimin e krimeve të kryera nga aparati shtetëror ushtarak, policor e paramilitar i shtetit të Serbisë, të kryera mbi popullin shqiptarë të Kosovës për periudhën gjatë viteve 98-99.
Pika 5 e kësaj rezolute e obligonte Qeverinë e Kosovës që deri në janar të vitit 2017 të parashtrojë aktin e padisë kundër Serbisë në Gjykatën Ndërkombëtare të Drejtësisë. “Aktpadia e parashtruar të përmbajë edhe kërkesën për reparacionin e dëmeve të shkaktuara nga agresioni që është lëndë e kësaj aktpadie”, thuhet më tutje në rezolutë.
Adem Grabovci i PDK-së tha si kundërpërgjigje të kërkesave të deputetëve opozitarë për futjen në rend të ditës të Rezolutës për krimet serbe të luftës në Kosovë, se kjo ka qenë një kërkesë e kahershme e PDK-së, por, sipas tij, ka rregulla për mocione si ky për procedim të Rezolutës së tyre.
Edhe deputetja e LDK-së, Teuta Sahatçia rikujtoi procedurat që duhet respektuar në raste mocionesh dhe apeloi që të vazhdohet me pikën e rendit të shpallur të ditës.
Valdete Bajrami e Nismës kërkoi të votohet për mocionin e partive opozitare.
Ndërkohë kryesuesi i seancës, Veseli, përfshiu në votim mocionin e opozitës për futjen në rend të ditës të Rezolutës për krimet serbe të luftës në Kosovë që u hodh poshtë nga shumica e deputetëve. /tesheshi.com/
Kjo është lista e deputetëve të cilët votuan kundër këtij mocioni të opozitës.
Deputetët e PDK-së:
Enver Hoxhaj
Elmi Reçica
Fadil Beka
Labinote Demi – Murtezi
Ramiz Kelmendi
Latif Gashi
Adem Grabovci
Azem Syla
Agim Çeku
Naim Fetahu
Nezir Çoçaj
Blerta Deliu – Kodra
Luljeta Veselaj
Deputetët e LDK – së:
Teuta Rugova
Anton Çuni
Ismet Beqiri
Nuredin Ibishi
Arben Gashi
Armend Zemaj
Njomza Emini
Naser Osmani
Lirije Kajtazi
Hatim Baxhaku
Shpejtim Bulliqi
Muhamet Mustafa
Sadri Ferati
Ali Sadriu
Adem Salihaj
Blerim Grainca
Agim Ademaj
Salih Morina
Teuta Sahatqija
Veton Berisha
Etem Arifi
Murat Hoxha
Agim Kikaj
Bardhyl Meta
Milazim Haliti
Synavere Rysha
