Kuvendi i ri, dalë nga zgjedhjet e 25 qershorit, veç faktit që ka në përbërjen e tij të paktën 4 ligjvënës që janë studentë ende të padiplomuar, ka edhe një tjetër veçori, që ka të bëjë me qytetin ku jetojnë ata.
Referuar të dhënave të publikuara nga ISP, rezulton se 64 prej 140 ligjvënësve banojnë në Tiranë, pavarësisht se janë mandatuar në qarqe të tjera të vendit.
Megjithëse Tirana, si qytet jo si qark, përfaqëson vetëm 14 % të totalit të mandateve parlamentare, referuar këtij studimi, ajo përfaqëson 70 përqind të Kuvendit.
Sipas ISP, 140 deputetët banojnë në vetëm 17 nga 61 bashki, pra në vetëm 27% të njësive vendore të Republikës së Shqipërisë.
“A mund të ketë lidhje e llogaridhënie midis deputetëve turistë, që banojnë në Tiranë dhe që në rastin më të mirë kalojnë fundjavën në zonën e tyre elektorale, apo midis deputetëve që jetojnë në kushte, rrethana, mjedis e komoditet shumë më të lartë e më të mirë sesa banorët e zonës së tyre elektorale”, shkruan Afrim Krasniqi në një postim në rrjetet sociale. /tesheshi.com/
