Aktori popullor turk Mehmet Pala, i njohur për rolin e tij si Kutludza në serialin popullor turk “Ertugrul”, tha se si aktor, fama dhe paratë nuk ishin kurrë në plan të parë, por mesazhi kthyes i audiencës.
Pala tregon se është një kënaqësi e vërtetë për të që të ketë mundësinë të krijojë një lidhje me njerëz me të cilët ai ka një të kaluar të përbashkët.
Në një bisedë me AA, Pala foli për karrierën e tij të aktrimit, personazhet që ka luajtur, por edhe për atë se sa kinemaja sot ka ndikim në marrëdhëniet midis vendeve.
Një nga rolet më të dukshëm të këtij aktori të ri është sigurisht roli i Kutludza-s në serialin “Ertugrul”, dhe fakti që seriali është shfaqur në më shumë se 150 vende deri më tani konfirmon se sa i rëndësishëm është ky projekt.
“Pas këtij roli, unë kam adhurues në shumë vende të botës. Ka vërtet një numër të madh vendesh nga të cilët njerëzit më kanw dërguar mesazhe,” vuri në dukje Pala.
Por ai theksoi se ai kurrë nuk dëshironte ta bënte këtë punë për famë ose para, dhe një nga gjërat që e përmbush atë si aktor është pjesëmarrja në projekte përmes të cilave ai mund të përcjellë një mesazh të caktuar te njerëzit.
“Fama, paratë dhe gjëra të tilla janë në plan tw dytw për mua, pika kryesore për mua janë reagimet e audiencës. Gjatw njw qëndrimi në Pakistan, një vajzë erdhi tek unë dhe më tha: “A e dini se kam mësuar turqisht duke ju parë? ‘ Kjo ishte e mjaftueshme për mua. Kam luajtur në shumë seriale, filma, shfaqje, kam punuar në shumë projekte, por ajo qw mw tha ajo vajzw në Pakistan është më e vlefshme për mua se të gjitha ato,” tha Pala.
Ai kujton se Turqia, pas Shteteve të Bashkuara, është vendi i dytë në botë për nga numri i serialeve të shfaqura jashtë. Por ky aktor i ri thekson se nuk duhet parë vetëm nga aspekti komercial.
“Unë mendoj se jemi keqkuptuar pak, megjithatë. Ne i shohim filmat komercialisht. Po, ne ofruam seri në vendet e tjera, por nuk ofruam kulturën tonë. Ne nuk arritëm të eksportojmë seri që flasin për kulturën tonë . ‘Ertugrul’ është një nga seritë që ka patur sukses, por nëse shikojmë të tjerët, nuk ka projekte që flasin për kulturën turke, idealet turko-islame. Unë mendoj se duhet të eksportojmë më shumë projekte që flasin për kulturën tonë,” tha Pala.
Ai gjithashtu shtoi se i pëlqen rolet në të cilat ai interpreton figurat historike, d.m.th serialet që merren me historinë.
“Si aktor, është shumë e rëndësishme për mua që të mund të lidhem me njerëz me të cilët kemi një të kaluar të përbashkët. Tani kam vëllezërit e mi në shumë vende. Kam njerëz që më duan dhe që i dua gjithashtu. Për mua, kjo është e paçmuar,” përfundoi Pala. /tesheshi.com/
