Pikërisht para 15 vitesh, Charles Ingram u zhyt në avanturën e cila do ta përshkuante atë si yllin kryesor të skandalit më të madh televiziv të të gjitha kohërave, mu në pikun e popullaritetit më të madh të show-ut “Kush do të bëhet milioner”.
Zyrtari ushtarak, majori Ingram kishte arritur deri në pyetjen e fundit, ku ai duhej ose të përgjigjej saktë për të fituar 1 milion funta, ose të tërhiqej nga loja duke marrë me vete 500.000 funta. Dhe pasi vendos për të vazhduar deri në fund lojën, ai përgjigjet saktë në pyetjen e fundit duke fituar kështu 1 milion funta.
Dhe ky do të ishte një përfundim fantastik për familjen Ingram po mos të ishte një hile që kishin përgatitur.
Ingram, në fakt kishte bërë një marrëveshjen me të shoqen Diana dhe mikun e tyre, Tecëenom Whittock, për t’u kollitur sa herë që ai të përgjigjej saktë në çdonjërën nga opsionet e ofruara prej moderatorit.
Por atij nuk iu dhanë 1 milion funta, e për më tepër, që të tre përfunduan në gjykatë. Ingramët u dënuan me kusht për 18 muaj, ndërsa Whittock 1 vit, si dhe me 115.000 funta gjobë.
Përveç kësaj, Ingram mbeti edhe pa titullin e majorit, pas 17 viteve shërbim. Megjithatë, fama i ndoqi nga pas, duke u ftuar në shumë emisione televizive, ku gjithmonë thonin se ishin të pafajshëm.
Se çfarë ndodhi, mund ta ndiqni në këtë video:
https://youtu.be/ZLm-oL-LuQA
