Futbollistja spanjolle Alexia Putellas dhe kërcimtari suedez Armand Duplantis janë sportistët më të mirë evropianë për vitin 2022 në përzgjedhjen e Departamentit Evropian të Shoqatës Ndërkombëtare të Gazetarëve Sportiv (AIPS), sipas agjencisë sllovene të lajmeve STA.
Në të njëjtën përzgjedhje, por në nivel botëror, 28-vjeçarja Putellas, anëtare r Barcelonës dhe përfaqësuese e kombëtares spanjolle, fitoi “Topin e Artë” për vitin 2022.
Për të kjo ishte fitorja e dytë radhazi në kuadër të Europës, në përzgjedhjen e AIPS-it.
Me këtë rast Putellas fitoi përpara skiatores italiane Federica Brignone dhe futbollistit anglez Beth Mead.
I riu, 23-vjeçari suedez i kërcimit me pol, Duplantis, fitoi këtë çmim për herë të parë në karrierën e tij dhe konkurrenca më e madhe e tij ishin futbollistët francezë.
I dyti ishte sulmuesi i Real Madridit, Karim Benzema, fituesi i fundit i Topit të Artë, dhe i treti ishte lojtari i PSG-së, Kylian Mbappe.
Këto ishin zgjedhjet e 40-ta nga seksioni europian i AIPS ku morën pjesë 43 shoqata kombëtare europiane të gazetarëve sportivë. /tesheshi.com/
