Zonja e re e parë e Sirisë, Latifa al-Daroubi, bëri paraqitjen e saj të parë jashtë vendit, duke mbërritur në Turqi me bashkëshortin e saj, Ahmed al-Sharaa, si pjesë e vizitës së tij në Ankara.
Madje, zonja al-Daroubi u takua me gruan e Presidentit Erdogan, Emine, me të cilën u fotografua.
Siç raportojnë mediat turke, në takimin mes dy grave në Ankara, Latifa al-Daroubi dhe Emine Erdogan shkëmbyen mendime për ndihmën humanitare, fuqizimin e grave dhe rolin e arsimit.
Dy Zonjat e Para diskutuan gjithashtu hapat që Turqia dhe Siria mund të ndërmarrin së bashku për të mbështetur gratë dhe fëmijët që vuajnë nga luftërat në mbarë botën.
Znj. al-Daroubi thuhet se shprehu mirënjohjen e saj për Turqinë për mbështetjen e Ankarasë në rindërtimin e Sirisë.
Në një postim pas takimit të tyre, Emine Erdogan shkroi në X, “Kam pasur kënaqësinë të mirëpres zonjën Latifa al-Daroubi, bashkëshorten e presidentit sirian, e cila bëri një vizitë zyrtare në vendin tonë. Patëm rastin të diskutonim për disa çështje të rëndësishme si ndihma humanitare, solidariteti social, forcimi i pozitës së gruas dhe roli i arsimit. I thashë se ne qëndrojmë pranë popullit sirian, siç kemi bërë në të kaluarën, në procesin e rindërtimit të Sirisë dhe shërimit të plagëve të saj. Besoj se e ardhmja e paqes dhe stabilitetit do të jetë rezultat i përpjekjeve të përbashkëta dhe shpresoj që çdo hap që bëjmë në këtë drejtim të jetë një shpresë për banorët e rajonit”.
I notice various important things in this video.
The first public appearance of the Syrian First Lady Latifa Daroubi was made in a traditionally male dominated setting, automatically depicting her as an equal to the men around her in that very important religious location.… pic.twitter.com/9lldrfceLB
— Mark Camilleri (@markcamilleri5) February 4, 2025
Kush është Latifa al-Daroubi?
Latifa al-Daroubi ka lindur në vitin 1984. Ajo ka një diplomë master në gjuhë dhe letërsi arabe dhe është nënë e tre fëmijëve.
Familja e saj është me origjinë nga Homsi dhe motra e saj është e martuar me guvernatorin aktual të Damaskut, Maher Mohammed Marwan.
Një nga paraqitjet e saj të rralla publike ishte në një takim me gra nga Siria dhe Shtetet e Bashkuara. Njerëzit që morën pjesë në takim e përshkruan atë si “një grua të kulturuar, të sofistikuar dhe elegante”.
Të njëjtat burime përshkruan se si al-Sharaa e prezantoi atë duke thënë: “Unë dhe gruaja ime e vetme…”. /tesheshi.com/
