Koreja e Veriut, një vend diktatorial, është kthyer në një rrezik për SHBA-në dhe fqinjët e saj vitet e fundit.
Kërcënimi është serioz duke parë se ky vend ka ka arritur përparime të shpejta në aftësitë e saj raketore.
Zëri i Amerikës në një artikull me titull “kush e furnizon Korenë e Veriut me motorrë raketash” shkruan se pas disa dështime me provat e raketave interkontinentale në vitin 2016, Koreja e Veriut çuditërisht ka bërë hapa të mëdha në zhvillimin e raketave.
Por aftësitë raketore të saj vijnë mesa duket nga motorrë të stilit sovjetik të blerë përmes rrjeteve të paligjshme në Rusi dhe Ukrainë.
Michael Elleman, bashkëpunëtor i lartë për mbrojtjen nga raketat në Institutin për Studimet Strategjike dhe Ndërkombëtare thotë se ka dëshmi të reja që tregojnë se vendi siç duket ka mundur të sigurojë ilegalisht teknologjinë për raketat Hëasong-14 dhe Hëasong-12 nga tregu i zi evropian.
Sipas zotit Ellerman, Koreja e Veriut ka mundësi të ketë blerë një motor raketash me lëndë djegëse të lëngëzuar përmes kanaleve të paligjshme që veprojnë në Rusi ose në Ukrainë”.
Në një intervistë me gazetën Neë York Times, Ellerman tha se Koreja e Veriut ka gjasa t’i ketë marrë motorët ilegalisht nga punëtorët e firmës shtetërore ukrainase Yuzhmash.
Eksperti tha se drejtuesit e firmës Yuzhmash ndoshta nuk kanë patur gisht në marrëveshje, por ai mendon se ka mundësi që punëtorët e fabrikës t’ua kenë dhënë motorin koreanoveriorëve.
Por Qeveria e Ukrainës beson se pas kësaj loje fshihen zyrtarët e inteligjencës ruse.
Agjencia e hapësirës e Ukrainës tha se tipi i motorit RD-250 që thuhet se përdoret nga Koreja e Veriut është bërë në një fabrikë të Ukrainës, por vetëm për përdorim në raketat që janë eksportuar në Rusi.
Rusia ka nga 7 deri në 20 raketa Ciklon për të cilat janë prodhuar motorët dhe rusët janë të lirë t’ua japin këta motorë cilitdo vendi që dëshirojnë./tesheshi.com/
