Një i ri amerikan në Michigan akuzohet për terrorizëm sepse ai kërcënoi të vriste Presidentin Joe Biden dhe zyrtarë demokratë, njoftuan dje autoritetet gjyqësore të atij shteti federal në veri të Shteteve të Bashkuara.
Joshua Doctor, 21 vjeç, publikoi një seri komentesh në platformën iFunny në janar.
Ai kërcënoi të vriste me armë zjarri Presidentin e SHBA, udhëheqësen demokrate të Senatit Nancy Pelosi, si dhe kryedemokraten e Michiganit Gretchen Gretchen Whitmer, duke e quajtur veten “katalizatori” i revolucionit të ri të SHBA.
Ai kishte informacion në celularin e tij për prodhimin e bombës dhe se ku mund të merrte materialin e nevojshëm.
Ai akuzohet për kërcënim terrorist dhe përdorimin e një kompjuteri për të kryer një krim, të cilat janë dy akuza për të cilat ai mund të marrë 20 vjet burg secila.
Ai u dorëzua tek autoritetet të martën dhe do të paraqitet para një gjykatësi në 8 prill.
Qeveria amerikane lëshoi një raport zyrtar në fund të janarit për të paralajmëruar për herë të parë një kërcënimi të brendshëm terrorist, veçanërisht për “ekstremistët” që vijnë nga radhët e kundërshtarëve politikë të Joe Biden.
Presidenti demokrat u zotua të “mposhtë racizmin e bardhë dhe terrorizmin e brendshëm” në fjalimin e tij përurues.
Vitin e kaluar, Gretchen Whitmer ishte shënjestra e një grupi të vogël të ekstremit të djathtë që planifikoi ta rrëmbente dhe ta “ndiqte penalisht” për tradhti të lartë për futjen e masave kufizuese për të luftuar epideminë e koronavirusit. /tesheshi.com/
