1 shtatori mbetet afati nga i cili do të zbatohet vendimi për riregjistrimin e targave në veri të Kosovës, ka thënë kryeministri i Kosovës për Al Jazeera.
Ai, pas takimit me përfaqësuesit ndërkombëtarë Miroslav Lajçak dhe Gabriel Escobar në Prishtinë, tha se data 1 shtator mbetet afati nga i cili do të zbatohet vendimi për riregjistrimin e targave në veri të Kosovës.
Mbetet një masë reciproke sa i përket dokumenteve personale për qytetarët e Serbisë dhe nëse gjendja e sigurisë në veri është e shqetësuar do të reagojnë institucionet e Kosovës, ka thënë Kurti në një intervistë për Al Jazeera, e cila do të transmetohet e plotë këtë të premte
“Dje jam takuar me gjeneralin Ferenc Kajari (komandantin e KFOR-it), po ashtu edhe me policinë tonë dhe EULEX-in. Barrikadat nuk janë zgjidhje. Ka një mekanizëm shtetëror që do të reagojë, nuk është vetëm policia, por edhe forcat speciale të policisë dhe askush nuk mund ta ndalojë policinë speciale që të vijë në veri. Veriu i Kosovës është pjesë e Kosovës, ndodhet në Kosovë dhe nuk ka pasur kurrë më shumë sundim të ligjit në veri të Kosovës sesa tani”, tha Kurti, pikërisht për sfidën më të vështirë që ka shteti i Koosvës, që nga çlirimi e më pas pavarësia, që është Veriu. /tesheshi.com/
