Kryeministri Albin Kurti tha se gjatë darkës joformale me presidentin serb Vuçiç në Berlin mbrojti interesat e Kosovës.
“Unë mbrëmë si kryeministër i Kosovës, kam përfaqësuar vullnetin e popullit dhe kam mbrojtur interesat e shtetit, gjithnjë duke pasur për dysheme dhe tavan, Kushtetutshmërinë dhe Ligjin e Kosovës. Pavarësisht a ka darkë apo jo, unë i tillë jam dhe njësoj ndihem. Me shumë përgjegjësi për detyrën që mbaj, por të njëjtën kohë edhe me krenari për këtë përgjegjësi që më është besuar”, tha Kurti gjatë një konference të përbashkët për shtyp në Prishtinë, me ministren e Mbrojtjes së Gjermanisë, Christine Lambrecht.
Ai theksoi se dialogu me Serbinë duhet të ketë njohjen reciproke në qendër të marrëveshjes.
Gjithashtu, Kurti u shpreh optimist se më 13 maj do të arrihet një marrëveshje për targat, mes kryenegociatorit të Kosovës dhe atij të Serbisë. /tesheshi.com/
