Dhjetë vjet më parë, Mali i Zi u përfaqësua nga Rambo Amadeus në Eurovision Song Contest në kryeqytetin e Azerbajxhanit, Baku.
Kënga e tij e quajtur “Euro Neuro” spikati në çdo mënyrë nga të gjithë përfaqësuesit e tjerë.
Kjo pasi Rambo-ja legjendar kishte në skenë një gomar, ndonëse prej druri, sepse nuk e lanë të sillte të vërtetin.
Kënga ka qenë në stilin e Rambo-s, por publikut nuk i ka pëlqyer atëherë dhe duket se efekti vijon ende. Kjo këngë u shpall kënga më e keqe e të gjitha kohërave në Eurovizion katër vite më parë dhe Rambo Amadeus e priti me gëzim lajmin, madje u mburr me të në Facebook-un e tij.
“Me krenari e pranova këtë informacion të gjetur nga fansat në Spanjë. Kënga ‘Euro Neuro’ u shpall më e keqja e të gjitha kohërave në Eurovision Song Contest. Jeeeah! Fituese e Horrorvision, në kategorinë absolute, për të gjitha kohërat.
Një nder i madh, me të vërtetë”, shkroi Rambo Amadeus. /tesheshi.com/
