Plehra të shumta kanë mbuluar disa pjesë të qytetit të Klinës. Këto mbeturina nuk po largohen nga askush. Lexues të portalit tesheshi.com na kanë dërguar disa fotografi ku shihen konteinerë që nuk janë pastruar fare nga kompania përkatëse për pastrimin e qytetit, ndërsa për shkak të tejmbushje së këtyre konteinerëve plehrat kanë dalë e edhe jashtë tyre, duke ndotur ambientin përreth dhe duke lëshuar një kundërmim të keq.
Këto mbeturina gjenden hiç më larg se 50 metra larg objektit ku gjendet Kuvendi Komunal i Klinës, po aq afër është edhe Gjykata e Klinës.
Grumbullimi i këtyre plehrave është shumë i bezdisshëm për qytetarët e këtij qyteti, sidomos kur marrim parasysh faktin se këto ditë ka rritje të theksuar të temperaturave.
Ditë më parë është raportuar se në qytetin e Klinës po hidhen plehrat në vende të ndryshme të qytetit për shkak të mungesës së kontejnerëve.
Gjithashtu prej disa muajsh, grumbullime të shumta të plehrave vazhdojnë të jenë prezente në rrugën “Drini i Bardhë” në lagjen e spitalit, në vendin e njohur si “Ura e hekurit” në Klinë.
Përkundër faktit se këto mbeturina po ndotin ambientin, askush nuk po ndërmerr hapa për largimin tyre. /tesheshi.com/
