Dima Izzedin është një gazetare siriane që ka punuar për BBC-në britanike për tetë vite me radhë, një bashkëpunim tashmë i ndërprerë.
Një paraqitëse e BBC-së në arabisht, ajo ka dhënë dorëheqjen për mungesë standardesh në gjigandin mediatik, për një mbulim të njëanshëm të luftës pesëvjeçare në Siri.
“Sot supozohej që të kthehesha në ekranin e BBC-së pas një mungese prej një viti, por nuk do të
kthehem më,” ka shkruar ajo në faqen e saj elektronike në një rrjet social.
“Çfarë më ndau nga BBC-ja ishin lajmet që mbulonin vendin tim.”
Ja çfarë ka shkruar tjetër ajo, dukshëm e lënduar: “Eshtë koha të heq dorë nga dalja në televizion… Duhet të ketë standarde në një institucion. Por kjo nuk ndodhi…”
BBC-ja do të raportonte se rebelët sirianë kishin bombarduar një zonë të Halepit të kontrolluar nga regjimi dhe kishin vrarë 44 civilë.
E vërteta ishte krejt e kundërta. Bombat ishin hedhur nga trupat e Esadit, e të vdekurit ishin nga një zonë nën kontrollin e kundërshtarëve të regjimit.
BBC-ja akuzohet prej kohësh për një gjuhë që reflekton propagandën e regjimit sirian.
Paraqitësit e BBC-së në anglisht janë akuzuar po ashtu për një portretizim me tone pozitive të jetës nën kontrollin qeveritar. /tesheshi.com/
