Zyra e kryeministrit të Kosovës reagoi menjëherë ndaj deklaratave të Ramush Haradinajt, ku ai kundërshton marrëveshjen e demarkacionit me Malin e Zi, duke thënë se kufiri i ri ndaj Rugovën përgjysmë.
Në reagimin e kryeministrisë, thuhet se kufiri me Malin e Zi, si edhe me vendet tjera fqinje, nuk caktohet sipas vullnetit të individëve apo partive politike, por mbi bazë të dokumenteve të cilat i vërtetojnë komisionet profesionale dhe që ia propozojnë qeverisë dëshmimin e vijave kufitare.
Sipas kryeministrisë vija kufitare me Malin e Zi është ajo mbi të cilën është shpallur pavarësia e Kosovës dhe në të cilën është njohur Kosova si shtet sovran dhe i pavarur.
“Haradinaj, si deputet i kuvendit të Kosovës, si edhe çdo qytetar, ka të drejtë të argumentojë me dokumentacion konkret nëse ndonjë pjesë e territorit të Kosovës, qoftë pronë e tij apo pronë publike, ka kaluar në Malin e Zi. Asnjë argument të tillë me shkrim, qeveria e Kosovës nuk e ka marrë deri më sot. Andaj, kërcënimet e Haradinaj, nuk janë argumente, por flasin për mungesën e argumenteve,” thuhet në reagimin e kryeministrisë. /tesheshi.com/
