Një nga pasojat kryesore të tensionit mes Rusisë dhe Ukrainës është ajo e reduktimit të furnizimit me gaz dhe naftë, çka mund të shkaktojë gjatë muajve të ardhshëm, rritje të çmimit të karburanteve në Ukrainë.
Shumë persona kanë vendosur të vrapojnë për të gjetur mënyra të ndryshme për kursimin e energjisë. Një prej tyre është edhe Eugene Chernigov, i cili ka modifikuar makinën e tij duke hequr impiantin e naftës e duke e zëvendësuar atë me dru.
Ai është një njohës shumë i mirë i matematikës dhe i fizikës. Ka përdorur një teknologji e cila përdorej në fillim të shekullit të shkuar, e cila më pas u braktis pasi nuk ishte më efikase. Chernigov ka vënë një sobë druri dhe një kontenier metali në pjesën e pasme të Opelit të tij të vjetër, duke e lidhur me motorin e makinës.
Gazi i çliruar nga djegia dhe përzierja e tij në kontejnerin metalik, filtrohet, ftohet dhe vendoset në motor. Për të bërë 100 km nevojiten të paktën 40 kg dru. Makina mund të ecë me një shpejtësi deri në 90 km/h. Në kohë krize, gjithmonë gjendet një zgjidhje!/tesheshi.com/
