Edhe pse ju kërkuar të largojë policinë nga Kukësi, qeveria ka vënë në funksion trupat speciale elitë.
Bëhet fjalë për forcat RENEA që kanë “krehur” në Kukës të gjithë shtëpitë e atyre që dogjën pikë-pagesën në Rrugën e Kombit si dhe sulmuan policët.
Ende nuk ka një njoftim zyrtar nga ana e policisë nëse ka të arrestuar për protestën, megjithatë, nga burime brenda Ministrisë së Brendshme theksohet se ka patur kontrolle të shumta dhe ndalime.
Deri tani janë shoqëruar disa persona, por pjesa më e madhe e atyre që u shfaqën në pamje janë larguar në Kosovë. Në Tunelin e Kalimashit makinat e RENEA kanë rrethuar zonën dhe vijojnë aksionin edhe sot.
Ndërkaq, Edi Rama do të mbajë sërish një konferencë për shtyp për këtë çështje në rën 10.30. Një video RENEA në qytetin e Kukësit është publikuar edhe nga ish-kryeministri Sali Berisha.
Ndërkaq, familjarë të të arrestuarve kanë nisur një protestë para Komisariatit të Kukësit dhe kërkojnë shpjegim.
“Policia na ka ardhur në 4 të mëngjesit për kontroll. Policia me armë dhe maska na terrorizoi. Nuk e dimë ku i kanë çuar të afërmit tanë”, tha një nga familjarët. /tesheshi.com/
