Në përfytyrimin e përgjithshëm, një helmim ushqimi fshihet shpesh pas ushqimit të rrugës, ose atij shumë të përpunuar.
Përkundrazi, rrezikoni më shumë që të helmoheni nga ushqimet e konsideruara të shëndetshme, si sallata dhe lëngjet e frutave. Është ky shpjegimi që jep Bill Marler, një avokat amerikan i specializuar në rastet e helmimeve të ushqimit, i cili ka fituar rreth 780 mijë euro, për klientët e tij.
Ai ka treguar disa ushqime të cilat nuk do i konsumonte edhe nëse do e torturonin, në një artikull të publikuar në revistën Food Poisoning Journal.
Sallata e paketuar– Mund të duket më higjienike se ajo e freskëta që ka nevojë për t’u larë, por për shkak se është prekur nga disa persona, rrit rrezikun e helmimit. Sipas Marler, ndonëse komoditeti është më i rehatshëm, vlen të mundohesh disi.
Lëngjet e frutave– Mund të duken të shëndetshëm, por Marler siguron se një prej çështjeve të tij të para ishte pikërisht helmimi nga një lëng molle i freskët, i cili rezultoi i kontaminuar nga bakteri Escherichia Coli.
Hamburger me gjak– Arsyeja se pse të gjithë produktet e përpunuara duhet të piqen më gjatë, sipas ekspertit, është fakti se bakteret e pranishme në sipërfaqen e mishit, mund të jenë edhe në brendësi. Nëse nuk piqen mirë mund të shkaktojnë helmim nga E.Coli ose salmonela.
Veza e gjallë ose e papjekur mirë– Ndonëse rreziku i kontaminimit nga salmonela është shumë më i vogël nga 20 vite më parë, sipas Marler, më të sigurta janë nëse konsumohen të pjekura mirë.
Midhjet– Me kalimin e viteve, midhjet janë bërë më të rrezikshme për shkak të ngrohjes së ujit. Marler thotë se ato mbledhin gjithçka që ndodhet në ujë, mes tyre mund të ketë dhe baktere. /tesheshi.com/
