Kuba do të përjashtohej nga Organizata e Sheteteve Amerikane (OAS) në vitin e largët 1962, por përmirësimi i marrëdhënieve me SHBA-të gjatë kohëve të fundit pati lënë të kuptohej për një kthim në këtë organizëm.
Ndërkohë që presidenti kuban, Raul Castro do ta quante OAS-in një “instrument të dominimit imperialist” në një takim të vendeve të Karaibeve, ai gjithashtu do ta përjashtonte mundësinë e një kthimi në të.
Castro është vënë në përkrahje të presidentit venezuelian, Nicolas Maduro, pasi sekretari i përgjithshëm i Organizatës së Shteteve Amerikane, Luis Almargo, ka bërë thirrje për sanksione kundër Venezuelës.
Presidenti kuban ka deklaruar se u ofrojmë “solidaritetin tonë më të vendosur vëllezërve tanë, popullit venezuelian, qeverisë legjitime të presidentit Nicolas Maduro”.
Një kërkesë e opozitës së Venezuelës për një referendum që synon largimin e kreut të shtetit i ka futur në konflikt presidentin Maduro dhe OAS-in.
Sekretari i përgjithshëm i OAS-it, pasi deklaroi më herët gjatë kësaj jave se, “kriza institucionale në Venezuelë kërkon ndryshime të menjëhershme në veprimet e degës ekzekutive,” kërkoi një takim të jashtëzakonshëm të organizmit që drejton, që mund të çojë në pezullimin e Venezuelës. /tesheshi.com/
