Holanda ka bërë një tjetër hap fals në rrugën drejt kualifikimit për në Europianin “Francë 2016”. Madje, tashmë “tulipanët” ndodhen në prag të eleminimit nga gara pasi Turqia i ka dhënë shqelmin e rradhës duke e mposhtur pastër (3:0) dhe njëherit e tejkalon në klasifikim duke u renditur e treta me 12 pikë, dy më shumë se portokallinjtë.
Islanda përkundër barazimit befasues ndaj Kazakistanit (0:0) vazhdon të kryesojë grupin A, por tashmë ka pik të barabarta me Republikën Çeke (19 pikë) që në udhëtim mposhti Lituaninë (1:2).
Në grupin B, Belgjika vazhdon formën e mirë duke regjistruar fitoren e rradhës, pasi këtë here triumfon në udhëtim ndaj Qipros (1:0). Por, kryesuese mbetet Uellsi që përkundër barazimit pa gola me Izraelin ndodhet në vendin e parë me 18 pikë në grupin B. Bosnja dhe Hercegovina rikthehet sërish tek fitorja, pasi në shtëpi mposhti Andorran (3:0), por me shumë pak gjasa për një kualifikim të mundshëm.
Në grupin H, Italia sërish fiton me një gol diferencë. Azurrët mposhtën përfaqësuesen e Bullgarisë me një gol nga penaltia, por që mjafton për të kryesuar renditjen me 18 pikë. Norvegjia regjistron një fitore tejet të vlefshme përballë rivalit direkt Kroacisë (2:0) dhe për të rrëmbyer pozitën e dytë nga ballkanasit. Dueli i dy skuadrave të fundit ndërmjet Maltës dhe Azerbejxhanit ka përfunduar me barazim (2:2) duke marrë nga një pikë secila.
/tesheshi.com/
