Nga Alba Skëndaj
Që nga dasma e nuseve me duvak të kuq mbi kalë, dasmat shqiptare kanë ndryshuar së tepërmi. Por një gjë ka mbetur thuajse njësoj: në dasmat shqiptare nuk mungon veshja tradicionale.
Nëse para disa vitesh ishte “tabu” veshja popullore në mes luksit të dasmës, tashmë shumë çifte madje preferojnë që edhe dasmën ta hapin me veshjen tradicionale të krahinës. Ndërkohë që për festat e nëntorit veshja tradicionale apo me motive popullore është legjitimuar. Aq në modë duket se janë kthyer veshjet tradicionale, saqë ata kanë filluar e shfaqen gjithnjë e më shumë edhe në mitingjet e partive politike…
Por cilët janë të famshmit e Shqipërisë që kanë zgjedhur të martohen me ngjyrat e folklorit?
Erion Veliaj dhe Arjola Xoxa
Në shtator të 2014-ën, dasma e Erion Veliaj, asokohe ministër i Mirëqenies Sociale, ishte dasma më e përfolur. Me dy ceremoni të veçanta, një në kalanë e Gjirokatrës dhe një në Pezë, çifti Veliaj- Xoxa surprizoi të gjithë të ftuarit, kur në kulmin e dasmës, u shfaqën me veshje tradicionale tiranase dhe “u tërbuan” nën ritmet e këngës popullore.
Në rastin e Kalasë së Gjirokastrës, befasoi dhe Auron Tare i cili u shfaq me veshjen tipike labe, prej nga e ka dhe origjinën.
Vajza e Fadil Berishës
Vetëm pak ditë më parë, Violeta, vajza e Fadil Berishës, fotografit të njohur shqiptar i ka dhënë fund beqarisë në një ceremoni shumë tradicionale. Por ajo që bëri përshtypje ishin kostumet popullore që veshi çifti, ndërkohë që në dasmën e saj nuk kanë munguar as tupanët e muzika shqip.
Vesa Luma dhe Big Basta
Simpatikja Vesa Luma dhe Big Basta korurëzuan vetëm pak kohë më parë dashurinë e tyre disavjeçare. Vesa ka preferuar një dasëm tipike shqiptare ku sigurisht nuk ka munguar kostumi tradicional.
Elia Zaharia dhe Princ Leka
Dasma e Princ Lekës dhe Elia Zaharisë ishte dasma më e bujshme shqiptare që solli në Tiranë, si rrallëherë, princër e princesha nga e gjithë bota. Veshjet popullore nuk munguan as në këtë ceremoni mbretërore e madje elementët dhe muzika tradicionale e Matit ishin të pranishëm gjatë gjithë ceremonisë.
Big Mama
Besiana Kasami e njihur si Big Mama, vazhdon te mbetet një prej personazheve me interesante të skenës muzikore shqiptare. Është ndër të vetmet këngëtare që e ruan me fanatizë traditën e vendlindjes saj. Në shumë intervista me mediat e shkruara dhe ato vizive Big-u është shprehur se e respekton traditën dhe jo vetëm kaq por, dasma e saj do të jetë sipas traditave tetovare. Ajo nuk e ka përjashtuar dhe mundësinë e veshjeve tradicionale.
Sa u përket eventeve të ndryshme artistike, veshja popullore e ka fituar fronin në çdo festë nëntori. Madje elementë të saj janë përdorur nga VIP-at shqiptarë edhe për veshje e tyre “trendy”.
Elvana Gjata, Leonora Jakupi, modelja Adrola Dushi janë vetëm disa nga emrat që kanë zgjedhur të këndojnë apo sfilojnë me veshje popullore. Dhe ngjajnë aq të bukura.
Joshjes së veshjes popullore nuk i ka shpëtuar as këngëtari i njohur italian Riçardo Coçiante, i cili gjatë një vizite në Shkodër me të preferuarën e tij Elhaida Dani, nuk mundi të largohej pa provuar veshjen popullore të burrave të kësaj krahine.
Por duket se veshja popullore është aq në modë tashmë, saqë edhe në mitingun që Partia Socialiste mbajti në fillim të kësaj jave në qytetin e Burrelit, kryeministri Rama është pritur nga një grup fëmijësh me veshje popullore. /tesheshi.com/
