Pesë oficerë policie janë pushuar nha detyra në Rusia e do të merren në pyetje për falsifikimin e akuzave kundër gazetarit investigativ Ivan Golunov, thanë zyrtarët e qeverisë ruse të mërkurën.
Të gjithë ata, emrat e të cilëve nuk u zbuluan, kanë punuar në departamentin e Moskës në Ministrinë e Brendshme, tha Komiteti i Hetimit në raportin e tij.
Golunov, i njohur më shumë për shkrimet investigative mbi Bashkinë e Moskës në portalin shumë të lexuar Medusa, u arrestua në qershor me akuzat e trafikut dhe posedimit të narkotikëve
Si pasojë, më shumë se 400 njerëz u arrestuan në Moskë gjatë një proteste në mbështetje të Golunovit.
Presidenti Vladimir Putin ka shkarkuar dy zyrtarë të lartë të policisë – kreu i departamentit të narkotikëve në Moskë dhe shefi i departamentit operacional për Moskën perëndimore – në vazhdën e një proteste publike mbi këtë çështje.
Reuters atëherë tha se kjo ishte një kthesë e rrallë për autoritetet ruse për shkak të zemërimit të mbështetësve të të gazetarit, të cilët pretenduan se ndaj Golunovit ishte manipuluar me akuza false.
Golunov mohoi akuzat para gjykatës dhe tha se ai kishte patur kërcënime në lidhje me ngjarjen me të cilën merrej, d.m.th., një investigim mbi shërbimet funerale në Moskë. /tesheshi.com/
