Kryeprokurori Shtetit në Kosovë, Aleksandër Lumezi ka pritur sot në takim shefin e Misionit të Bashkimit Evropian për sundimin e Ligjit, Gabriele Meuçi.
Në këtë takim është biseduar lidhur me periudhën kalimtare për dorëzimin e kompetencave nga EULEX-i tek Prokurori i Shtetit, në mënyrë që prokurori i Shtetit të jetë sa më i gatshëm për marrjen dhe trajtimin e të gjitha lëndëve pa pësuar as në kualitet e as në humbje të kohës.
Kryeprokurori i Shtetit, Lumezi, ka vlerësuar lartë përkrahjen dhe bashkëpunimin e dhënë të EULEX-it për sistemin prokurorial dhe Prokurorin e Shtetit.
Ndërsa, shefi i Misionit të BE, Meuçi ka thënë se EULEX-ië shtë i përqendruar në ofrimin e shërbimeve të sundimit të ligjit deri sa përparimi i autoriteteve vendase ta mundësojë bartjen e plotë të funksioneve ekzekutive tek autoritetet vendase.
Lumezi dhe Meuçi janë pajtuar që të intensifikojnë sa më shumë që është e mundur bashkëpunimin edhe ashtu shumë të mirë mes EULEX-it dhe Prokurorit të Shtetit./tesheshi.com/
