Kryeprokurori i antimafia-s italiane, Franco Roberti, ka deklaruar se vrasja e djeshme në Fogia ka nxjerrë në dritë gabimet e rënda të drejtësisë italiane.
Kjo pasi, mafia garganeze është cilësuar si një organizatë e “Serisë B” dhe si e tillë nuk është hetuar si duhet.
Në një intervistë të gjatë në kanalin e parë të radios publike italiane, Roberti tha se “lufta ndaj klaneve të mafias së Garganos ka 30 vjet që vazhdon, janë vrarë më shumë se 300 persona dhe rreth 80% e krimeve të tyre janë të pandëshkuara”.
Alarmi i kryeprokurorit të antimafias, ka ardhur pikërisht ndaj agjensive ligjzbatuese të rajonit të Puglia-s të cilët e kanë lënë të lirë veprimtarinë e klaneve të organizatave të kontrabandës dhe trafiqeve, e cila vitet e fundit është bërë shumë e fuqishme.
Atentati dje në San Marco të Fogias, përveç se vrau një nga bosët e krimit dhe kunatin e tij, shkaktoi vdekjen e dy kalimtarëve të pafajshëm, dy vellezër nga ai fshat.
Sitata në zonën e Fogias është shpërthyese dhe njerëzit kanë dalë në rrrugë duke kërkuar ndërhyrjen e shtetit që siç duket në jug është shumë i dobët. /tesheshi.com/
