Kryeprokurorit të Shtetit, Aleksandër Lumezi ka deklaruar se prokurorët e kanë rastin të bëhen heronjë të këtij vendi duke marrë vendime dhe hetime të pavarura me qëllim që asnjë fajtor të mos shpëtojë nga dënimi i merituar.
Lumezi në konferencën e prokurorëve të shtetit, ka njoftuar se gjatë vitit 2015 janë ngritur 10 aktakuza për krime të rënda. “Të cilësuara top-raste”, ka thënë ai.
Lumezi kërkoi angazhim nga të gjithë prokurorët në mënyrë që të forcohet autoriteti dhe personaliteti, duke ia kthyer besimin qytetarëve në drejtësi.
“Ne e kemi rastin të bëhemi heronj të këtij vendi, duke marr vendime dhe hetime të pavarura me qëllim që asnjë fajtor të mos shpëtojë nga dënimi i meritura”, ka thënë ai.
Ai tha se së bashku me Ministrinë e Drejtësisë, janë duke punuar në ligjin anti-mafia që lejon konfiskimin e pasurisë pa procedura gjyqësore dhe ky ligj u jep shumë mundësi prokurorëve.
“Kush nuk është i gatshëm të punojë në këto kushte, është më mirë të ndërrojë profesionin”, tha ai.
Ambasadori amerikan, Greig Delawie kritikuar organet e drejtësisë në luftën kundër korrupsionit.
Ai u tha prokurorëve që duhet të jenë të pavarur në çfarëdo vendimi, edhe kur të kenë në dorë lëndët e deputetëve opozitarë.
Ai ka folur edhe për mosbesimin e qytetarëve ndaj organeve gjyqësore dhe se ata duhet të përqëndrohen më shumë në transparence dhe në luftën kundër krimit të organizuar dhe korrupsionit.
Ministri i Drejtesisë, Hajredin Kuçi ka thënë se lufta kundër korrupsionit, krimit të organizuar e terrorizmit janë kërkesat kryesore për prokurorët e Kosovës.
Në konferencën vjetore të Prokurorëve, Kuçi u tha atyre se sa më shumë që ofronin prova për të vërtetën, më shumë i besueshëm do të jetë vendimi i Gjykatës.
“Besimi në drejtësi identifikohet me ju. Drejtësia është e fortë aq sa janë të fortë njerëzit e drejtësisë. Ju jeni themeli i drejtësisë në shtetin tonë”, ka thënë Kuçi.
Përgatiti: Blendi Gashi – /tesheshi.com/
