Drejtori i policisë së Kosovës për rajonin e Mitrovicës, Nehat Thaçi ka hedhur sot poshtë akuzat në Prokurorinë për krim të organizuar në Beograd se ishte përgjegjës për dëbimin e një familjeje serbe.
Ai akuzohej nga prokuroria serbe për dëbimin e familjes Milivojeviç më 1 korrik të vitit 1999 në një fshat afër Lipjanit.
Me këtë rast, ai ka hedhur poshtë akuzat dhe ofroi një alibi se në atë kohë ishte në Fushë Kosovë.
“Në atë kohë, 15 ditë nuk kam qenë atje. Me gruan time unë kam qenë në muaj të mjaltit në Fushë Kosovë. Në një gjë të tillë nuk kam marrë pjesë”, deklaroi ai, duke shtuar se nuk e njeh asnjë anëtar të familjes Milivojeviç.
Avokati i tij në Beograd, Sead Spahoviq ka thënë për “Blic-in” serb se Thaçi është marrë në pyetje 15 ditë pas arrestimit të tij, dhe kjo ishte e papranueshme.
Ndryshe, Kuvendi i Kosovës nesër me kërkesë të deputetit të pavarur Gëzim Kelmendi do të mbaj një seancë plenare ku do të diskutohet për arrestimin e policit Thaçi. /tesheshi.com/
