Kryeministri turk, Ahmet Davutoglu, vlerësoi rezultatet e zgjedhjeve parlamentare të 7 qershorit gjatë një fjalimi përshëndetës në selinë e Partisë për Drejtësi dhe Zhvillim (AK Parti).
“Partia AK ka shkruar epope edhe një herë. Partia AK është fituese dhe forca politike e parë e këtyre zgjedhjeve. Askush nuk duhet të përpiqet për të nxjerrë fitore nga zgjedhjet, që ka humbur. Të gjithë duhet të bëjnë llogaritë e veta”, tha Ahmet Davutoglu.
Duke nënvizuar se vullneti i popullit është një vendim përfundimtar, shefi i Ankarasë zyrtare shtoi se “respektimi i këtij vendimi është domosdoshmëri për të gjitha palët dhe ç’është e nevojshme do të bëhet”.
Më tek, ai vuri në pah se do të vazhdojnë përpjekjet për të bashkuar lindjen me perëndimin e atdheut, duke tërhequr vëmendjen se rezultatet e zgjedhjeve parlamentare tregojnë qartë se Partia AK është shtylla kurrizore e Turqisë.
“Populli ynë duhet të jetë i qetë dhe të shikojë me besim drejt të ardhmes. Sepse shtylla kurrizore e popullit, Partia AK, është dhe do të jetë në krye të detyrës”, u shpreh Kryeministri i Turqisë dhe theksoi se nuk do të lejojnë kurrë që të dëmtohet qetësia dhe stabiliteti.
“Bëjmë thirrje për të vepruar në lidhje me një kushtetutë plotësisht të re, liberale, emancipuese, të bazuar në dinjitetin e njeriut dhe që të gjithë të rinjtë i përgatit në mënyrën më të mirë të mundshme për të ardhmen”, përfundoi Davutoglu.
