Kryeministri Rama ka përmendur për herë të parë çështjen e kanabisit, sipas që sipas deputetit të PS-së, Koço Kokëdhima duhet të legalizohet për t`u futur në tregun global farmaceutik. “Jam kundër legalizimit të kanabisit dhe nën qeverisjen e kësaj mazhorance nuk do të ketë legalizime të tilla”, ka thënë Rama. Qëndrimin e deputetit Kokëdhima, ai e ka konsideruar si një opinion të tij, të lirë për ta shprehur. Por ai tha se nuk është dakort me këtë opinion. Këto u thanë gjatë emisionit Opinion, ku Rama ishte i ftuar për të folur mbi disa problematike qeverisëse. Sa për çështjen “Doshi”, ai tha se do jenë hetimet ato që do e zbardhin, farsën sipas tij.
Ndër të tjera, njeriun që është në rolin e të penduarit pasi ka marrë porosinë për vrasjen e deputetit Tom Doshi, Rama e ka pagëzuar si ‘aktor’. /tesheshi.com/
