Rihapen në Azi plagët e Luftës së Dytë Botërore plot 70 vjet pas përfundimit të saj. Japonica, shteti që në atë kohë pushtoi gjysmën e kontinentit ka qenë sërish në qendër të vëmendjes.
Qarqet kineze kanë kundërshtuar një nderim që kryeministri japonez ka bërë në një tempull ku nodhen edhe varrezat e 14 vetëve, të cilësuar kriminelë lufte nga Gjykata Ndërkombëtare dhe të dënuar pas luftës.
Kryeministri japonez Shinzo Abe dërgoi blatim në tempullin famëkeq Yasukuni në Tokio, me rastin e 70-vjetorit të dorëzimit pakushte të Japonisë në Luftën e Dytë Botërore.
Abe, i cili sapo mbajti një fjalim të mirëvëzhguar një ditë më parë për të shënuar përvjetorin historik, i dedikoi një pemë “masakaki” vendit të shenjtë që nderon dëshmorët e luftës, përfshirë dhe 14 kriminelë të klasës A të dënuar për krimet e tyre gjatë luftës së Dytë Botërore.
Në fjalimin e tij, Abe, i cili ka kërkuar revizionimin e historisë, përsëriti ndjesën e qeverive të mëparshme “mbi veprimet e Japonisë gjatë kohës së luftës, por nuk kërkoi falje personalisht.
Ai gjithashtu pohoi se brezat e ardhshëm të Japonisë nuk duhet “të paracaktohen për të kërkuar falje” për rolin e vendit në konflikt. /tesheshi.com/
