Kryeministri i Rumanisë, Victor Ponta është akuzuar për korrupsion dhe ka qenë nën hetim për një kohë të gjatë.
Ai përballet me akuza për mashtrim, evazion fiskal dhe pastrim parash që datojnë që kur ai ishte një avokat, para se të bëhej kryeministër në vitin 2012, ka bërë me dije agjencia anti-korrupsion, transmeton BBC.
Disa nga pasuritë e tij janë konfiskuar deri në një vendim të dytë, ndërsa vetë kryeministri Ponta mohon çdo akuzë.
Ai është lideri i qeverisë dhe i partisë Social Demokrate në Rumani. Ponta ka deklaruar se i duhet kohë që të pregatisë mbrojtjen përpara drejtësisë, por ndërkohë do të vijojë të jetë në krye të shtetit.
Kryeministri i Rumanisë akuzohet për marrjen e një ryshfeti në vlera 55.000 euro nga një politikan dhe një deputet.
Ponta u kthye sërish në krye të detyrës, pas një qëndrimi të gjatë prej një muaji në Turqi, për shkak të një ndërhyrjeje kirurgjikale në pjesën e gjurit. /tesheshi.com/
