Duke folur në një paraqitje televizive, David Cameron ka bërë të ditur se do të qëndrojë si kryeministër i Britanisë edhe nëse votuesit i thonë “po” daljes nga BE-ja në referendumin e 23 qershorit.
Ndërsa afron dita për referendumin mbi Brexit-in, e kryeminitri britanik e udhëheq fushatën kundër daljes nga unioni europian, ai ka deklaruar se do ta vijojë punën e tij pavarësisht rezultatit, duke qëndruar në detyrë deri në fund të parlamentit aktual të vendit.
Megjithatë, ai ka lënë të kuptohet se mund ta ribëjë qeverinë në rast se fiton alternativa për daljen nga BE-ja, duke u dhënë më tepër vend konservatorëve pro Brexit-it.
Në të njëjtën kohë, Cameron ka paralajmëruar se britanikët do të përballen me një dekadë të humbur në rast se votohet për lënie të Bashkimit Europian.
Siç ka thënë po ashtu se për qeverinë do të qe e vështirë ta administronte situatën e re. “Shqetësohem për njerëzit që do të humbasin punën e tyre,” ka deklaruar David Cameron. /tesheshi.com/
