Kryebashkiaku i parë musliman i Londrës, ka thënë të shtunën se ‘’shpreson që fitorja e tij do të shërbejë si inspirim për muslimanët që të përfshihen në politikë’, kanë raportuar mediat lokale.
Një ditë pas marrjes së detyrës, Sadiq Khan ka thënë për SKY News, se ‘’shpreson që kjo fitore të inkurajojë të rinjtë londinezë dhe ata britanikë të përkatësisë islame, por edhe minoritetet tjera, që të përfshihen në jetën civile dhe atë në politikë.
Khan, kandidati i Partisë Laburiste, fitoi 56.8 % të votave ose 1.3 milion vota, kundër rivalit konservator Zac Goldsmith, i cili fitoi 43.2%.
Khan, bir i një emigranti pakistanez, premtoi se do të jetë kryebashkiak i gjithë londinezëve dhe tha se ‘’dëshira e tij është të udhëheqë administratën më transparente, më të ndershme dhe më të qasshme që ka pasur Londra ndonjëherë’’.
Kryebashkiaku i ri mori urime nga mbarë bota.
Kandidatja për President të SHBA, Hillary Clinton përmes një postimi në Twitter, shkroi: ‘’ Bir i një shoferi autobusi, kampion për të drejtat e njeriut dhe të drejtat e punëtorëve. Urime @SadiqKhan’’.
Kryeministri francez Manuel Walls postoi: ‘’Urime @SadiqKhan në fitoren brilante për Londrën. Ju mirëpres me padurim në Francë’’.
Khan, ish-avokat për të drejtat e njeriut, u bë ministri i parë musliman në vitin 2009-të në qeverinë e udhëhequr nga Gordon Broën. Ai tha se do të braktisë parlamentin menjëherë pasi të marrë detyrën si kryebashkiak nga konservatori Boris Johnson. /tesheshi.com/
