Kanë kaluar dy vite që kur Josip Kuzhe u nda nga jeta. Mirëpo, veprat e tij vazhdojnë të mbeten gjallë, të kujtohen dhe të nderohen nga njerëzit të cilët e deshën dhe e rrespektuan aq shumë. Ata që i udhëhoqi një kohë të gjatë, Dinamon e Zagrebit e kanë nderuar figurën e tij duke ndezur qirinj në stadiumin Maksimir.
“Dy vite më parë, trajneri ynë legjendar Josip Kuzhe ndërroi jetë. Ai do të jetë gjithmonë në memoriet dhe zemrat tona”, ishte shkrimi që publikoi klubi dinamovit në faqen zyrtare të facebook-ut. Kuzhe kishte udhëhequr klubin nga Zagrebi në disa sezone duke arritur kështu të fitoj gjithë trofetë e mundur në Kroaci.
Kuzhe ishte trajner edhe i Kombëtares shqiptare nga 6 qeshori i vitit 2009 deri në vitin 2011. Ai udhëhoqi “shqiponjat” në 27 takime nga të cilat veçohet fitorja e lartë ndaj Qipros (6:1) dhe ajo ndaj Danimarkës e vlefshme për Botërorin e vitit 2010. Kuzhe u nda nga jeta më 16 qeshor të vitit 2013 në Zagreb pasi ishte diagnostifikuar me leuçemi. /tesheshi.com/
