Kroacia do ta detyrojë Hungarinë të pranojë refugjatët e këtë do ta realizojë duke i dërguar ata në kufirin hungarez. Kështu ka deklaruar kryeministri kroat, Zoran Milanovic në një përshkallëzim të krizës mes dy vendeve që nisi me mbylljen e kufirit hungarez për refugjatët.
Shkëmbimi i ashpër i pikëpamjeve për krizën e refugjatëve mes dy vendeve duket se do të përfundojë në një grindje të vërtetë, ndërsa Hungaria akuzon Kroacinë se po shkel ligjin ndërkombëtar duke mos i regjistruar emigrantët. Një ministër hungarez e cilësoi Milanovic si patetik.
Që nga e premtja në Kroaci kanë hyë më shumë se 20 mijë refugjatë. Analistët thonë se përgjigja kroate ka tipizuar përgjigjen europiane për krizën, fillimisht vendet deklarojnë se do të mirëpresin refugjatë dhe më pas mbyllin me nxitim kufijtë për të rregulluar fluksin që nuk janë në gjendje ta përballojnë.
Në Hungari, refugjatët janë përballur edhe më dhunën e gazit lotsjellës e të shkopinjve të gomës, ndërsa në Slloveni me spray djegës.
E ndërsa fluksi i refugjatëve që bëjnë rrugën e Ballkanit nuk ndalet, marshimi i tyre, thonë analistët, është shndërruar në një garë kundër ndryshimeve të humorit politik në shtetet anëtare të BE-së. /tesheshi.com/
