Në kulmin e një krize politike dhe ekonomike, në Venezuelë ka marrë fund, në versionin print, edhe gazeta më e madhe e këtij vendi, e moshës 104-vjeçare, Panorama.
Edicioni më i fundit i kësaj të përditëshmeje pra që e kish kaluar një dekadë ekzistencë, doli të marten. Prej këtej e tutje ajo do jetë vetëm në versionin online.
Po pse u mbyll? Sepse nuk kishte më letër.
“Ne u përpoqëm të vazhdojmë ekzistencën e versionit tonë të letrës, por përkundër gjithë përpjekjeve me zemër, tani ne ofrojmë vetëm edicionin më të fundit të shtypur”, tha në një deklaratë administrata e Panorama-s venezuliane.
Panorama, e themeluar 104 vjet më parë, e konsideruar politikisht e pavarur, ishte i vetmi botim që vijonte të dilte në versionin print në Venezuelë, pasi, për shkak të mungesës së letrës, edhe kjo nga kriza ekonomike, gazetat e tjera të përditshme, javore dhe mujore ishin mbyllur prej kohësh. /tesheshi.com/
