Eshtë vendosur që fillimi i javës tjetër të jetë dhe starti i një përpjekjeje për të zgjdhur krizën e rëndë politike në Maqedoni. Pikërisht të hënën, është vendosur që në Bruksel të mbahet takimi i parë mes VMRO-DPMNE-së dhe LSDM-së opozitare, në përpjekje për të zhbllokuar ngrçin politik.
Sipas informacioneve paraprake, pritet të jenë eurodeputetët, Eduard Kukan i grupit Demokristian, liberali Ivo Vajgl dhe Richard Hovit (ish raportues për Maqedoninë në PE), nga grupi Socialist, ata që do udhëheqin negociatat mes palëve.
Ky është dhe akti i parë real i diplomacisë europiane për të ndërhyrë në zgjidhjen e krizës së pazakontë të Shkupit politik, që është tronditur prej aferës së përgjimeve, të denoncuar nga lideri i opozitës Zoran Zaev, me “bombat” e tij të famshme. /tesheshi.com/
