Kriza në Maqedoni, gati “zbarkimi” i politikës së Tiranës në Shkup

Një delegacion i Parlamentit shqiptar pritet të “zbarkojë” javën e ardhshme  në Maqedoni në një mision faktmbledhës në lidhje me ngjarjet e fundit ku policia ka shkelur të drejtat e njeriut për shqiptarët.

Ditën e martë, një grup i gjerë parlamentarësh, kryesisht zonja pritet që të marrin “OK” nga qeveria e Shkupit për të kryer një mision të gjerë, i cili do të jetë baza e një raporti zyrtar që do të bëhet rezolutë nga Parlamenti shqiptar.

Javën e shkuar Komisioni Parlamentar i politikës së Jashtme ka zhvilluar një seancë special ku ka thirrur drejtues të lartë të Ministrisë së Jashtme për të raportuar mbi situatën aktuale në Maqedoni. Sekretari i Përgjithshëm i MPJ bëri të ditur se mungesa e një ambasadori në Maqedoni është një handicap i përfaqësimit të Tiranës zyrtare, i cili duhet të zgjidhet sa më shpejt.

Siç mësohet  ka pasur kontakte të banorave të prekur nga operacionet policore me deputetët shqiptarë. Siç mësohet sin ë Likovë, ashtu edhe në KAradak, banoirët e dëmtuar, kryesisht gra kanë telefonuar kreun e Komisionit të Jashtëm të Parlamentit shqiptar për ti raportuar mbi dhunën e policisë maqedone mbi njerëzit e pafajshëm. Pikërisht ky aspect ka shërbyer si bazë e miratimit të delegacionit që kryesisht do të jenë gra deputete.; Më pas do të hartohet një dosje special mbi gjendjen në Maqedoni, e cila do të duhet të marrë edhe formën e një rezolute.

Njësitet dhe eskortat policore vazhdojnë të qëndrojnë në rajonin e Likovës dhe Kumanovës, pas incidentit në Gushincë. Banorët theksojnë se për çdo ditë vërejnë lëvizjen e këtyre mjeteve transportuese që përbën shqetësim për fëmijët e tyre.

“Kalojnë nëpër fshat dhe nuk dij se çka enden. Nuk besoj se në fshatrat tona ka njerëz që duan probleme. Ai incident në Gushincë ndodhi si ndodhi dhe u pa se kush paska qenë e kush don skenare me bo. Ne apelojmë që të mos shëtisin këto eskorta, sepse shqetësimi është tek fëmijët, por edhe gratë, tek shumica e të cilëve rikthehet memoria e vitit 2001”, theksoi Asani, një banorë lokal.

Njësitet për ndërhyrje të shpejtë lëvizin nga Kumanova në drejtim të rajonit të Likovës, por edhe në anën tjetër në drejtim të Shkupit. Patrulla të këtyre njësiteve vërehen edhe nëpër hyrje – daljet e qytetit të Kumanovës dhe se në raste të caktuara ndalohen makinat.

/tsheshi.com/