Gjykata për Krimet e Rënda ka dhënë 186 vjetë heqje lirie për tetë çështje të gjykuara me të akuzuar për krime brenda familjes.
Në këto dënime, që janë dhënë në 6 muajt e parë të 2017-ës, përfshihen edhe 3 me burgim të përjetshëm, por që në fund personat e dënuar kanë shpëtuar për shkak të pranimit të gjykimit të shkurtuar, duke përfituar uljen e 1/3 së viteve të burgut.
Këtë fat ka pasur i pandehuri Shpëtim Goxhaj, Denis Zaka dhe Afrim Kallari, dënimi përfundimtar i të cilëve ka shkuar në 35 vjet burg. Ndërsa Kasem Lila, i akuzuar për vrasjen e bashkëshortes së tij dhe plagosjen e kunatës në tetor të vitit të kaluar gjykata vendosi shtrimin në një spital psikiatrik.
Më i lehtë ka qenë dënimi për të pandehurën Mirela Buzalli. Ajo po vuan një dënim me 16 vjet burg për vrasjen me sëpatë të bashkëshortit të saj në Barbullush të Shkodrës në korrik 2016.
Ndërkohë, Krimet e Rënda kanë në shqyrtim e sipër shtatë procese gjyqësore për krim në familje, transmeton abcneës.
Sipas Kodit Penal, në nenin 79/c të tij, “vrasja me dashje e personit që është bashkëshort, bashkëjetues apo ish-bashkëjetues, gjini e afërt apo krushqi e afërt me autorin e verpës penale dënohet me burgim jo më pak se 20 vjet burg ose me burgim të përjetshëm. /tesheshi.com/
