Në Stamboll të Turqisë u themelua Këshilli Nismëtar i Rrjetit të Bizneseve të Diasporës Shqiptare, pjesë e këtij takimi ishte edhe ministri i Diasporës Valon Murati. Ai foli për rëndësinë që kanë këto rrjete në identifikimin e bizneseve të suksesshme kudo nëpër botë, njohjen e tyre mes vete dhe rrjedhimisht të bërit biznes bashkërisht, por njëkohësisht edhe faktit se ky mekanizëm do të shërbej si një urë në mes të bizneseve nga diaspora dhe vendit për të kanalizuar investimet nga diaspora.
Ndërsa këshilli nismëtar zgjodhi dy koordinatorë, z. Omer Ibra dhe z. Fuat Donmez, të cilët do të koordinojnë aktivitetet e rrjetit deri në zgjedhjen e organeve udhëheqëse të tij.
Po ashtu në këtë takim ishin edhe Konsulli i Përgjithshëm i Republikës së Kosovës z. Rrahim Morina, drejtori për Investime në Ministrinë e Diasporës z. Naim Dedushaj, nënkryetari për Evropë i Unionit Global të Bizneseve të Diasporës Shqiptare, dhe njëkohësisht kryetari i rrjetit të Austrisë z.Yll Blakaj./tesheshi.com
